صدور الفراخ مع جبنه المودزريلا :)
هتجيبى صدور الفراخ حسب العدد اللى هياكل اقتراحى 3 صدر فرخه
جبنه مودزيريلا
بقدونس وكزبره خضرا
4 ثومات مفرومين ومعلقة خل تفاح
زيت زيتون او اللى بتحبى تستعمليه
والتوابل حسب اللى موجود عندك ويفضل كمون وحبهان
ـــــــــــــــــــــــــــــــــــــــــــــــــــــــــــــــــــــــــــــــ
الطريقه.. هتقطعى صدور الفراخ قطع متساويه عشان الشكل زى مكعبات الثلج
وتفرومى البقدونس مع الكزبره والتوم ومعلقة الخل
هتحطى الزيت فى الطاسه ولما يسخن حطى الفراخ بالخلطه اللى فرمتيها وقلبى شويه وكل ما ينشف ممكن تزودى معلقة مايه
ودوقى الفراخ وحطى الملح حسب اللى تحبيه والتوابل
بعدين او ما تبدأ تستوى ضيفى الجبنه واول ما تسيح على الفراح خرجى الفراح وقدميها فى طبق
ممكن للعشا او لغدوايه خفيفه او للأطفال فى المدرسه وبالهنا والشفا :)
